Dagskrá

  • Fimmtudagur 26. júlí

    17:00 Tour de Fáskrúðsfjörður

    Hjólað verður frá Höfðahúsum við norðanverðan fjörðinn (punktur 25 á korti).
    ATH. Hægt er að fá hjólin ferjuð að Höfðahúsum. Farið verður frá planinu utan við Skólaveg 34 kl. 16:40 (punktur 20 á korti)
    Munið að ALLIR þáttakendur verða að vera með hjálm á höfði og neysla áfengra drykkja er ekki við hæfi á íþróttaviðburði sem þessum.

    18:00 Leikhópurinn Lotta

    Sýnir Gosa á Búðagrund (punktur 7 á korti).
    Ekki þarf að panta miða fyrirfram en það er um að gera að klæða sig eftir veðri, taka með sér teppi til að sitja á og myndavél svo hægt sé að taka mynd af sér með ævintýrapersónunum eftir sýningu.
    Miðaverð er 2.300 krónur en meðlimir í Stofni hjá Sjóvá fá frítt fyrir 2 börn ef keyptur er miði fyrir fullorðinn, gegn framvísun staðfestingar frá Sjóvá.

    20:30 Kenderíisganga að kvöldlagi

    Skemmtilegt bæjarrölt í góðra vina hópi. Lagt af stað frá Verkalýðshúsinu, Skólavegi 72 (punktur 12 á korti)
    ATH. Börn og ungmenni yngri en 18 ára eru á ábyrgð forráðamanna.

    22:00-00:00 Tónleikar með KK í Skrúði (punktur 18 á korti)

    Einstakt tækifæri til að berja augum þennan frábæra listamann flytja brot af sínu besta.
    Bar á staðnum, 18 ára aldurstakmark.
    Miðaverð 2.500 kr.

    Athugið: Hægt er að kaupa armband sem gildir á tónleika KK á fimmtudagskvöldi og Duplex á föstudagskvöldi ásamt dansleik með Góðum landsmönnum á laugardagskvöldi, fyrir aðeins 6.000 kr.
    Miðar á harmonikkudansleikinn eru aðeins seldir við innganginn og eru ekki inni í armbandinu.
  • Föstudagur 27. júlí:

    16:00 Dorgveiðikeppni

    Mæting á Bæjarbryggjunni neðan við Fram (punktur 15 á korti)
    Munið björgunarvestin.

    16:00 og 17:00 Fáskrúðsfjarðarhlaupið

    Hlaupið er frá Franska spítalanum við Hafnargötu (punktur 22 á korti), út með norðurströnd Fáskrúðsfjarðar. Hlaupaleiðin er malbikuð.
    Þrjár vegalengdir eru í boði, 5, 10 og 21 km.
    ATH. Ræst verður í 21 km hlaupið kl. 16:00 en 10 km og 5 km kl. 17:00

    22:00 – 23:30 Setning, brenna og söngur

    Setning Franskra daga 2018 á Búðagrund (punktur 7 á korti)
    Hljómsveitin Duplex sér um að leiða brekkusöng.
    Varðeldur –brekkusöngur – stanslaust stuð.

    23:30 Flugeldasýning

    00:00 – 03:00 Tónleikar í Skrúði (punktur 18 á korti)

    Hljómsveitin Duplex heldur uppi stuðinu á föstudagstónleikum Franskra daga.
    Notaleg stemming, bar á staðnum.
    18 ára aldurstakmark.
    Miðaverð 2.000 kr.

    Athugið: Hægt er að kaupa armband sem gildir á tónleika KK á fimmtudagskvöldi og Duplex á föstudagskvöldi ásamt dansleik með Góðum landsmönnum á laugardagskvöldi, fyrir aðeins 6.000 kr.
    Miðar á harmonikkudansleikinn eru aðeins seldir við innganginn og eru ekki inni í armbandinu.
  • Laugardagur 28. júlí

    10:00 – 11:00 Minningarhlaup um Berg Hallgrímsson

    Mæting við Skólamiðstöðina (punktur 10 á korti) og hlaupið að minnisvarða um Berg, við Búðaveg 36 (punktur 11 á korti)

    12:00 Helgistund í Frönsku kapellunni

    Helgistund á vegum þjóðkirkjunnar og kaþólsku kirkjunnar á Austurlandi.
    Franska kapellan er staðsett í frönsku húsaþyrpingunni rétt við Franska spítalann (punktur 22 á korti)

    13:00 Minningarathöfn í Franska grafreitnum (punktur 24 á korti)

    Minnst er franskra sjómanna sem látist hafa á Íslandsmiðum, og blómsveigur lagður að minnisvarða um þá. Sóknarprestur stýrir stundinni með þátttöku kaþólsku kirkjunnar á Austurlandi. Lifandi tónlistarflutningur.
    Hvetjum alla sem eiga íslenska þjóðbúninga til að mæta í þeim við þessa hátíðlegu athöfn, íslenska lopapeysan er líka vel við hæfi.
    Fjölmennum og minnumst þessara hugrökku sjómanna.

    13:30 Búningahlaup

    Hlaupið er ætlað börnum á öllum aldri og er ætlast til að þátttakendur mæti í skrautlegum klæðnaði.
    Mæting við Franska spítalann (punktur 22 á korti), hlaupið verður inn á hátíðarsvæðið við Tanga (punktur 21 á korti)
    Íþróttaálfurinn og Solla stirða hita upp með hlaupurunum og starta hlaupinu.

    14:00 Hátíð í bæ

    Hátíðardagskráin fer fram á planinu neðan við Tanga (punktur 21 á korti).
    Götumarkaður og fjölbreytt skemmtidagskrá þar sem m.a. koma fram Daði Freyr, persónur úr Latabæ, leiklistahópur og fleiri.
    Verðlaunaafhendingar og happdrætti.
    Frítt verður í leiktæki fyrir börnin á svæðinu.

    17:00 Íslandsmeistaramótið í Pétanque

    Spilað er á sparkvelli við Skólamiðstöðina (punktur 10 á korti), skráning á staðnum.
    Bráðskemmtilegt franskt kúluspil fyrir alla fjölskylduna.

    20:30 – 22:30 Harmonikkudansleikur í Skrúði (punktur 18 á korti)

    Fjölskyldusamkoma þar sem afar, ömmur, pabbar, mömmur og börn skemmta sér saman.
    Miðaverð: Fullorðnir 1000 kr. grunnskólabörn 500 kr. frítt fyrir börn á leikskólaaldri.
    Ath. Miðasala við innganginn, armbönd gilda ekki á þennan dansleik.

    00:05 – 03:00 Dansleikur í Skrúði (punktur 18 á korti)

    Hljómsveitin Góðir landsmenn ásamt stórsöngkonunni Írisi Hólm sjá um stuðið á alvöru sveitaballi. Bar á staðnum, 18 ára aldurstakmark.
    Miðaverð 3.000 kr.

    Athugið: Hægt er að kaupa armband sem gildir á tónleika KK á fimmtudagskvöldi og Duplex á föstudagskvöldi ásamt dansleik með Góðum landsmönnum á laugardagskvöldi, fyrir aðeins 6.000 kr.
    Miðar á harmonikkudansleikinn eru aðeins seldir við innganginn og eru ekki inni í armbandinu.
  • Sunnudagur 29. júlí

    12:00 Fáskrúðsfjarðarkirkja (sjá á korti)

    Helgistund með léttri tónlist, söng, stuttri hugleiðingu og skírn. Tilvalið að koma saman, þakka viðburði og samverustundir og kveðja með fararblessun þau sem komu í heimsókn til að njóta daganna með okkur heimafólkinu.

    13:30 - ??:?? Fjölskyldustund á íþróttavellinum. – aðgangur ókeypis (punktur 4 á korti)

    Froðurennibraut, hoppukastali fyrir þau yngstu, Nerf klúbbur Austurlands verður á staðnum.
    Frispígolfmót - skráning á staðnum. Keppendur komi með sína eigin diska.

    16:00 Félgsvist í Verkalýðshúsinu, Skólavegi 72 – efri hæð (punktur 12 á korti)

    Síðast en ekki síst spilum við félagsvist. Góður endir á vonandi frábærri helgi.
    Þátttökugjald kr. 500 kr.

Sjá dagskrá á PDF formi

Prenta | Netfang