myndir-1 128

dagskra-1 128

postur-1 128

Home

Print

Franskir Dagar

Á Fáskrúðsfirði hafa Franskir dagar verið haldnir árlega síðan 1996 og eru þeir iðulega haldnir helgina fyrir Verslunarmannahelgi. Þessa helgi er haldið á lofti minningunni um veru Frakka á Fáskrúðsfirði og tengsl þeirra við staðinn, auk þess sem heimamenn ásamt gestum gera sér glaðan dag.

 

Franskir dagar hafa þannig unnið sér sess sem árleg bæjarhátíð Fáskrúðsfjarðar, burtfluttir koma í heimsókn, fermingarbarnamót eru haldin og árgangar mæla sér mót. Fulltrúar frá vinabænum Gravelines hafa oft komið og tekið þátt í Frönskum dögum.

 

Bæjarhátíðin Franskir dagar hefur mælst vel fyrir og verið vel sótt enda vel tekist til. Er þar ekki síst að þakka því ágæta fólki sem lagt hefur á sig mikla vinnu við að gera þessa daga að raunveruleika og bera að þakka því fyrir fórnfúst starf.