Uppskriftir

  • Bretónskar smákökur

    Sablés Bretons

    • 300 g lint smjör
    • 300 g sykur
    • 2 eggjarauður
    • 400 g hveiti
    • 1 tsk. lyftiduft

    Smjör og sykur hrært vel saman. Eggjarauðum hrært út í. Að lokum hveiti og lyftidufti. Deigið elt
    með höndum, mótað í stóra pylsu í plastpoka og kælt. Skorið í 32 bita sem mótaðir eru í kúlur.
    Kúlurnar settar á bökunarpappír, ýtt á þær með gaffli. Penslað með eggjarauðu eða hvítu. Bakað
    í 15-20 mín. efst í ofni við 140°C. Kökunum leyft að bíða á plötunni í tvær mínútur áður en þær
    eru settar á rist.

  • Lauk- og ansjósubaka frá Nice

    Pissaladiére

    Botn:
    • 250 g hveiti
    • 125 g smjör
    • 6 msk vatn
    • salt
    Hrærið vel saman og látið standa nokkrar
    klukkustundir eða yfir nótt.

    Fylling:
    • 4-6 msk ólífuolía
    • 1 kg laukur
    • 3 hvítlauksgeirar
    • steinlausar svartar ólífur
    • 2-3 dósir ansjósur
    • salt-pipar
    • Herbes de Provance
    Skerið laukinn í þunnar sneiðar og hvítlaukinn smátt. Brúnið í 5 mín. við vægan hita í olíu. Bætið salti og
    pipar út í. Látið ekki brúnast of mikið.
    Gerið bökudeigið og setjið í eldfast form eða á plötu. Setjið laukinn ofan á og raðið ansjósunum yfir. Stráið
    Herbes de Provance yfir eftir smekk. Bakið í 20 mín. við 210°. Skreytið með ólífum og hellið 3 msk af ólífuolíu yfir.
     

  • Frönsk súkkulaðikaka

    200 g smjör
    200 g suðusúkkulaði
    4 egg
    3 dl sykur
    1 dl hveiti
    50 g fínt saxaðar möndlur

    Setjið smjör og súkkulaði í skál og bræðið yfir vatnsbaði. Þeytið egg og sykur mjög vel saman (20 mín.) Þegar smjörið og súkkulaðið hefur kólnað aðeins (má alls  ekki vera heitt) er það látið út í eggjahræruna. Síðan er hveiti og möndlum blandað varlega saman við.
    Smyrjið og sáldrið hveiti í miðlungsstórt tertuform (23cm í þvermál). Setjið degið í formið og bakið kökuna við 180°C í u.þ.b. 35 mín.
    Ath. kakan á að vera dálítið "klesst" í miðjunni. Látið kökuna kólna í forminu. Geymist vel á köldum stað eða í frysti.
     

 

Prenta | Netfang